شروط استخدام حواديت الحارة

آخر تحديث: 19 سبتمبر 2026. مطوّر اللعبة: Anubis Studio (حسام جمال).

اللعبة

حواديت الحارة لعبة حكايات وقرارات للترفيه. الشخصيات والأحداث خيالية، والفلوس والديون جوه اللعبة ملهاش أي قيمة حقيقية ومش نصيحة مالية.

أهل الحارة

إنت مسؤول عن اللي بتكتبه. ممنوع الشتيمة والإهانة والتهديد، وممنوع أرقام التليفونات واللينكات والبيانات الشخصية عنك أو عن غيرك، وممنوع حرق الأحداث عمدًا. نقدر نشيل أي بوست أو رد مخالف، ونقفل الكتابة عند المخالف. تقدر تبلّغ عن أي حاجة أو تحظر أي حد من جوه اللعبة.

المشتريات

الشراء بيتم عن طريق متجر الجهاز بالسعر اللي بيظهر قبل التأكيد. الكوينز بتاخد بيها المكافآت الاختيارية بدل الفيديو، ومش بتشتري قرار في الحكاية أو نهاية أو نقاط في لوحة الأبطال. «شيل الإعلانات» بيرجع بزرار «رجّع مشترياتي» على نفس حساب المتجر. الكوينز محفوظة على الجهاز ومش بتتنقل لجهاز تاني، وملهاش قيمة نقدية. طلبات رد الفلوس بتمشي حسب إجراءات المتجر وحقوق المستهلك.

لوحة أبطال الشهر

الترتيب بيتحسب من أيامك في اللعب. الجوايز فلوس ووسام جوه اللعبة بس. أي محاولة غش بتلغي الترتيب.

التحديثات والتواصل

ممكن نضيف حكايات ومزايا أو نعدّلها في التحديثات. للتواصل: support@anubisstudio.net. راجع سياسة الخصوصية عشان تعرف البيانات المستخدمة وإزاي تمسحها.

الشروط دي مش بتنقص من أي حقوق إلزامية يكفلها القانون للمستخدم.

---