شوية مصري — سياسة الخصوصية

تشرح الصفحة دي البيانات اللي تستخدمها لعبة «شوية مصري»، ليه بنستخدمها، وإزاي تتحكم فيها.

آخر تحديث: 19 سبتمبر 2026 · Anubis Studio (حسام جمال)

اللعب من غير حساب

تقدر تلعب من غير حساب. في الحالة دي بيتحفظ التقدم، جنيهات اللعب، الإعدادات، ونتائج الترابيزات محليًا على جهازك. حذف التطبيق أو مسح بياناته يمسح الحفظ المحلي.

الحساب والمزامنة

لو اخترت تسجيل الدخول بـGoogle أو Apple، نستقبل معرّف الحساب والاسم والبريد والصورة المتاحة من مزود الدخول. بنستخدمهم لإظهار ملفك ومزامنة التقدم وجنيهات اللعب والإنجازات عبر Firebase. لا نستلم كلمة سر Google أو Apple. تسجيل الدخول اختياري.

اللعب الأونلاين

وقت إنشاء غرفة أو الانضمام لها، الخدمة بتعالج الاسم المستعار، كود الغرفة، معرّف جلسة عشوائي، حالة المباراة وحركات اللعب. اللاعبين داخل الغرفة بيشوفوا البيانات اللازمة للمباراة فقط، وكل يد خاصة تفضل مخفية عن باقي اللاعبين. الغرفة بتنتهي بعد 30 دقيقة من عدم النشاط وبتُحذف عند محاولة الوصول التالية.

الإعلانات وموافقة الخصوصية

نسخة الهاتف تستخدم Google AdMob وإعلانات مكافأة اختيارية. Google قد تعالج عنوان IP، الموقع التقريبي المستنتج، معرّفات التطبيق أو الجهاز، تفاعل الإعلان، وبيانات الأداء والتشخيص لتقديم الإعلان وقياسه ومنع الاحتيال. نطلب إعلانات غير مخصصة، وتظهر رسالة الموافقة وخيارات الخصوصية عندما تكون مطلوبة. لا تطلب اللعبة موقع GPS أو جهات الاتصال أو الصور. راجع سياسة Google.

المحتوى والاتصال

اللعبة تحمل باقات أسئلة موقعة من Firebase Hosting مع وجود بنك أسئلة مدمج للعمل دون اتصال. خدمات الاستضافة والمزامنة قد تستقبل بيانات الطلب التقنية مثل عنوان IP ووقت الاتصال ومعلومات الجهاز الأساسية اللازمة للأمان والتشغيل.

الإشعارات

يمكنك تفعيل تذكير واحد يوميًا للهدية أو سلسلة اللعب أو التحديات. اختيار التشغيل والوقت محفوظان على جهازك، وتتم الجدولة محليًا حسب يوم وتوقيت الجهاز. لا نطلب صلاحية الإشعارات إلا عندما تفعّل الميزة، ويمكنك إيقافها في أي وقت من داخل اللعبة أو إعدادات الجهاز.

المشاركة والأمان

لا نبيع بياناتك الشخصية. نشارك البيانات مع Google وFirebase بالقدر اللازم لتسجيل الدخول، المزامنة، الاستضافة، اللعب الأونلاين، الإعلانات، الأمان ومنع الاحتيال. تُرسل البيانات للخدمات عبر اتصال مشفر.

الاحتفاظ والحذف

الحفظ المحلي يظل على جهازك لحد ما تمسح بيانات التطبيق. تقدم الحساب يظل موجودًا لحد ما تحذف الحساب. من «حكايتي» داخل اللعبة تقدر تحذف حساب Firebase والتقدم السحابي نهائيًا. ولو مش قادر تدخل اللعبة استخدم صفحة حذف الحساب (anubisstudio.net/p/shwaya-masry-delete-account) أو راسلنا من بريد الحساب. بيانات الغرف مؤقتة حسب المدة الموضحة فوق، وقد نحتفظ بسجلات تقنية محدودة للمدة اللازمة للأمان وحل الأعطال أو للالتزام القانوني.

الأطفال وحقوق المستخدم

اللعبة غير موجهة عمدًا للأطفال تحت السن الذي يتطلب موافقة ولي الأمر في بلدهم. تقدر تطلب معرفة بيانات حسابك أو تصحيحها أو حذفها عبر البريد. قد نطلب إثبات ملكية الحساب قبل تنفيذ طلب متعلق ببياناته.

عدّاد استخدام مجهول

مرة واحدة في اليوم كحد أقصى، اللعبة بتبعت تقرير أعداد مجهول لـ Anubis Studio: اسم اللعبة، نوع الجهاز (iOS/Android)، لغة الواجهة، رقم الإصدار، وهل دي أول مرة. من غير أي معرّف أو اسم أو موقع. الدولة بتتحسب كعدد من الشبكة ومش بنحفظ عنوان IP.

نجوم الشهر (لو داخل بحسابك)

Anubis Studio بتكرّم كل شهر اللي بيلعبوا أكتر من لعبة من ألعابها بنفس حساب Google أو Apple (anubisstudio.net/stars). عشان كده — ولو إنت داخل بحساب Google أو Apple بس، مش كضيف — اللعبة بتبعت مرة واحدة في اليوم: اسم اللعبة، ووقت اللعب من آخر تقرير، والاسم اللي مستخدمه جوا اللعبة، ومعاهم رمز الدخول (ID token) بتاع اللعبة عشان السيرفر يتأكد منك.

رقم حساب Google أو Apple نفسه مابيتخزنش عندنا: السيرفر بيحوّله لمفتاح مشفّر ثابت، وده اللي بيخلينا نعرف إن اللي بيلعب في لعبتين هو نفس الشخص من غير ما نعرف حسابك. بنحتفظ بالإيميل في لوحة التحكم عشان نقدر نوصلك لو اتكرمت — مش بيظهر على الموقع ولا بيتباع ولا بيتشارك. اللي بيتنشر على الموقع: الاسم والألعاب وعدد الساعات وكلمة التكريم، وبس. اللعب كضيف مابيدخلش في ده خالص، وتقدر تطلب شيل اسمك وبياناتك في أي وقت من support@anubisstudio.net.

التغييرات والتواصل

لو اتغيرت ممارسات البيانات هنحدث الصفحة وتاريخها. للاستفسار أو طلب الخصوصية تواصل مع حسام جمال على support@anubisstudio.net.